A aprobación definitiva do trazado do vial de circunvalación supón un novo impulso a unha das infraestruturas máis demandadas polo tecido empresarial do polígono. Este trámite leva aparellada a declaración de utilidade pública da actuación e permitirá avanzar na redacción do proxecto construtivo, paso previo á licitación e ao comezo das obras.
A Xunta publicou no DOG a relación de propietarios afectados pola ampliación do polígono que non puideron ser notificados de forma individual. Os interesados dispoñen de dez días para comparecer ante a Administración e coñecer o contido do expediente.
A Xunta comunicou a posta en funcionamento de dúas paradas de autobús no polígono a partir do próximo 25 de maio, unha actuación moi demandada polas empresas e traballadores do parque empresarial e que permitirá mellorar as nosas conexións con Carballo e A Coruña.
