Novas: Xeral
Estás aquí: Inicio \ Novas \ Xeral
Melloras na rede de abastecemento de auga do polígono.

Melloras na rede de abastecemento de auga do polígono.

16 novembro, 2022 Xeral

A semana do 14 ao 18 de novembro viñéronse realizando obras de mellora na rede de abastecemento de auga do polígono por un importe de 16.815,77 euros. Estas actuacións conlevaron un corte na subministración a noite do xoves 17 ao venres 18.

A actuación levada a cabo pola empresa concesionaria do servizo de augas de Carballo, Gestagua, consiste na instalación de válvulas de comporta para permitir sectorizar mellor a rede de abastecemento da 1ª fase do polígono; permitindo con esta medida que, ante calquera incidencia na devandita rede, os cortes sexan máis pequenos e localizados evitando cortes de subministracións masivas.

Así mesmo, outra intervención é a unión da 1ª fase do polígono coa 2ª fase o que permitirá garantir e reforzar o abastecemento de ambas as fases da nosa área empresarial.

O orzamento de ambas as intervencións supón ao redor de 16.815,77 euros. E durante a súa execución produciuse un corte programado na subministración a noite do xoves 17 ao venres 18 desde as 23:00 horas ás 04:00 horas.

Adxuntos:
Outras novas

Todas as noticias relacionadas co Polígono de Carballo ou que poidan ser de interese para as empresas que o compoñen.