Novas: Xeral
Estás aquí: Inicio \ Novas \ Xeral
A circunvalación de Carballo partirá desde o polígono.

A circunvalación de Carballo partirá desde o polígono.

24 decembro, 2019 Xeral

O pasado venres 20 de decembro, a conselleira de Infraestruturas e Mobilidade, Ethel Vázquez, comunicou á xunta directiva da Comunidade de Propietarios do Polígono a decisión da Xunta de Galicia de que a estrada de circunvalación de Carballo de inicio na rotonda de Bértoa e conecte o polígono coas estradas de Ordenes e Santiago.

Esta era unha vella reclamación das empresas do polígono que ata a data víanse obrigadas a circular polas zonas escolar e deportiva do municipio cos consecuentes riscos para a seguridade e as dificultades propias de circular por unha zona non adaptada para o tránsito de vehículos pesados, un factor que dificultaba as comunicacións con Santiago e o sur de Galicia.

Na reunión, que tivo lugar nas oficinas da Comunidade de Propietarios, a conselleira traslado o compromiso da Xunta de Galicia de iniciar a estrada de circunvalación de Carballo na rotonda de acceso ao polígono situada na AC 552 e de incluír nos orzamentos do 2020 a cantidade de 250.000€ para iniciar os trámites de licitación.

Desde a Comunidade de Propietarios valorouse positivamente o anuncio desta infraestrutura que consideran clave, tendo en conta o incremento de empresas e usuarios que está a experimentar a nosa área empresarial nos últimos anos; tamén manifestaron a súa intención de facer un seguimento dos prazos de execución da obra para que a estrada estea operativa o máis axiña posible.

Nos últimos meses ante o anuncio de que a estrada de circunvalación executaríase en dúas fases, a Comunidade de Propietarios realizou unha intensa actividade institucional para concienciar sobre a importancia de que se dese prioridade ao tramo que empeza no noso polígono, o anuncio da pasada semana é un éxito do asociacionismo empresarial que demostra ser un instrumento útil na mellora da competitividade empresarial.

Outras novas

Todas as noticias relacionadas co Polígono de Carballo ou que poidan ser de interese para as empresas que o compoñen.